1965 کی پاک بھارت جنگ میں پاک فضائیہ نے انتہائی اہم کردار ادا کیا ، اس حوالے اس ہر سال 7 ستمبر کو یوم فضائیہ انتہائی جوش و جذبے کے ساتھ منایا جاتا ہے
اس دن کو منانے کا مقصد پاک فضائیہ کے شاہینوں کے عظیم کارناموں کو خراج تحسین پیش کرنا ہے1965کی جنگ میں پاک فضائیہ نے بزدل دشمن کے غرور کو خاک میں ملا دیا تھا۔
جنگ کے پہلے دو دن میں پاک فضائیہ کے شاہینون نے بھارت کے 50 سے زائد لڑاکا طیارہ گرا کر جنگ کا پانسہ ہی پلٹ دیا، اس کے علاوہ شاہینوں نے بھارت کے کئی ہوائی اڈوں پر حملے کر کے انہیں ناکارہ بنا دیا۔
یومِ فضائیہ کے موقع پر وطن پر اپنی جان قربان کرنے والے پائلٹ نشانِ حیدر یافتہ شہید راشد منہاس کو خراجِ عقیدت پیش کرنے کی تقریب کا انعقاد کیا گیا۔
اس تقریب کے مہمانِ خصوصی ایئر وائس مارشل عامر شہزاد تھے، تقریب میں شہید راشد منہاس کے بھائی انجم منہاس نے بھی شرکت کی۔
اس معقع پر شہید پائلٹ راشد منہاس کی قبر پر پھول رکھے گئے اور پاک فضائیہ کے چاق و چوبند دستے نے سلامی دی۔
