حال ہی میں اداکارہ ثنا جاوید کی سابق کپتان شعیب ملک سے دوسری شادی سوشل میڈیا پر توجہ کا مرکز بنی ہوئی ہے جس پر مداحوں کی جانب سے تبصروں کا سلسلہ جاری ہے۔ سوشل میڈیا پر شعیب ملک، ثنا جاوید اور عمیر جیسوال پر تبصرے کیے جارہے ہیں۔ ایسے میں احمد علی بٹ کی عمیر جیسوال کے حق میں کی گئی پوسٹ وائرل ہو گئی۔
ایسے میں اداکار و میزبان احمد علی نے عمیر جیسوال کی حمایت میں انسٹااسٹوری شیئر کی جس میں احمد علی نے لکھا کہ میرے دوست تم ایک شیر اور سونے کا دل رکھنے والے شریف انسان ہو، مصیبت کے وقت میں انسان کو ہمت کی ضرورت ہوتی ہے، ہم سب کے پاس اپنے اپنے مسائل ہیں لیکن اہم بات یہ ہے کہ ہم ان مسائل سے کیا سیکھتے اور کیسے آگے بڑھتے ہیں۔ انھیں دعا دیتے ہوئے احمد علی بٹ کا مزید کہنا تھا کہ آگے بڑھتے رہیں بھائی، اللہ آپ کو اور آپ کے گھر والوں کو سلامت رکھے۔
