ایبٹ آباد میں جرگہ کے دوران فائرنگ سے نوجوان جاں بحق جبکہ دو افراد زخمی ہو گئے۔ پولیس ذرائع کے مطابق واقعہ ایبٹ آباد کے علاقہ سپلاہی تھانہ کی حدود میں پیش آیا جہاں نوجوانوں کے درمیان معمولی تلخ کلامی کے بعد جرگہ بلایا گیا تھا۔ جرگے کے دوران فائرنگ کی گئی جس کے نتیجے میں حارث نامی نوجوان موقع پر جاں بحق جبکہ دو شدید زخمی ہو گئے ۔ پولیس کے مطابق ملزمان ارتکاب جرم کے بعد فرار ہونے میں کامیاب ہو گئے ۔ پولیس نے موقع پر جاں بحق نوجوان کی نعش اور زخمیوں عاقل اور عامر کو بے نظیر شہید ہسپتال منتقل کردیا۔
