وزیراعظم آزادکشمیرچوہدری انوارالحق،موسٹ سینئروزیر/وزیرداخلہ کرنل ریٹائرڈ وقاراحمد نورکے آبائی ضلع بھمبر میں جشن آزادی پاکستان کو بھرپور انداز میں منانے کے حوالے سے ڈپٹی کمشنرمرزا ارشدمحمودجرال کی زیرصدارت اہم اجلاس میں تمام انتظامات کو حتمی شکل دے دی گئی۔
،جشن آزادی کی تقریبات کے حوالے سے اجلاس کا باقاعدہ آغاز تلاوت کلام پاک سے ہوا،ڈپٹی کمشنرمزرا ارشدمحمود جرال نے استقبالیہ کلمات میں جملہ شرکاء کو خوش آمدیدکہا، سول سوسائٹی میڈیا،بلدیاتی نمائندگان ،سرکاری افسران بلدیہ،ضلع کونسل،تاجروں،وکلا،مدارس کے طلباء و اساتذہ کرام کی طرف سے گذشتہ تقریبات میں مثبت کردار کو سراہا۔
ڈی سی بھمبر نے اجلاس کی غرض و غائت و ایجنڈہ پڑھ کر سنایا،اجلاس میں شرکاءکی تجاویز سننے کے بعد فیصلہ کیاگیاکہ14اگست 2024 کو دن کا آغاز مساجد میں پاکستان کی سلامتی،خوشحالی ترقی کی دعاؤں کے ساتھ ہوگا۔ ڈی سی آفس میں 14 اگست 2024کو صبح 9 بجے پرچم کشائی ہو گی،جس میں چیئرمین ضلع کونسل ہمراہ ہوں گے، پولیس کا چاک وچوبند دستہ سلامی دے گا ،سائرن بجاکر ٹریفک روک دی جائے گی۔شہداء پاکستان،شہداء کشمیر استحکام پاکستان کے حوالے سے خصوصی دعائیں کی جائیں گی, 8:58منٹ پر سائرن بجایا جائے گا اوردو منٹ کی خاموشی اختیار کی جائے گی۔
"عظیم کشمیری راہنماشہیدسید علی گیلانی”کے قول "ہم سب پاکستانی ہیں پاکستان ہماراہے”پر عمل کیاجائے گا۔اس بار اولمپلکس میں پاکستان کا نام روشن کرنے والے پاکستانی ارشد ندیم کوخراج تحسین پیش کیاگیا۔شجرکاری کی جائے گی سیاحوں کو خوش آمدید کہاجائے گا،۔ڈپٹی کمشنربھمبر مرزا ارشد محمود جرال کے احکامات پر تینوں تحصیلوں میں تمام سرکاری نیم سرکاری عمارات پر پاکستانی پرچم اور آزاد کشمیر کے پرچم لہرائے جائیں گے.
ضلع بھر کے تمام سرکاری و نجی بینکس,فرنچائز کی عمارات پر14 اگست کی مناسبت سے پرچم اور جھنڈے لگائے جائیں گے یوم آزادی پاکستان کے موقع پر ڈپٹی کمشنر مرزا ارشد محمود جرال کے احکامات کے پیش نظر مرکزی تقریب ضلعی ہیڈ کوارٹر بھمبر میں ہو گی اس لیے تمام تر انتظامات کو ختمی شکل دے دی گئی ہے،ملی نغمے پیش ہوں گے،ضلع کے داخلی خارجی رستوں پر بڑے پرچم آویزاں ہوں گے۔تمام دفاتر سرکاری غیرسرکاری عمارتوں پاسپورٹ آفس،نادرا، بنکس،موبائیل کمپنیز فرنچائزپر چراغاں ہو گا ،فول پروف سیکورٹی بہترین میڈیا کوریج ہوگی بلدیہ ضلع کونسل کی حدود میں صفائی ستھرائی ہو گی لوکل گورنمنٹ افسران جملہ یونین کونسلز کے منتجب بلدیاتی چئیرمین صاحبان سے رابطہ کریں گے،جیل قیدیوں میں مٹھائی تقسیم،کھانا دیاجائے گا۔
باب کشمیر سرحدی گیٹ پرصبح 8 بجے پرچم لہرائے جائیں گے،ڈی سی بھمبر نے کہاکہ بلدیاتی نمائندگان،عوام،سول سوسائٹی سمیت تمام مکاتب فکر سے افراد ایک جذبے کے ساتھ شریک ہوں،پبلک ٹرانسپورٹ میں بھی پاکستانی پرچم لہرائے جائیں۔ 14 اگست پر سیاحوں کی آمد کے تناظر میں خصوصی سیکورٹی پلان ،میڈیکل پلان،ندی نالوں پر سیاحوں کوجانے سے روکنا بابا شادی روڈ پر لینڈ سلائیڈنگ کے پاس سیکورٹی سٹاف کی تعیناتی،ڈیوٹی مجسٹریٹ کی تعیناتی ہو گی۔ڈپٹی کمشنر نےکہ ون ویلنگ روکیں،شورشرابہ اور باجے بجانے کی بجائے نوجوان آزادی کی نعمت پر شکر ادا کریں۔چھمب سے پیر گلی تک بھرپور جشن آزادی پاکستان منایاجائے۔
