باڑہ: عزمِ استحکام ویژن کے تحت خیبرپختونخوا میں دہشتگردوں کے خلاف سکیورٹی فورسز کی کارروائیاں جاری ہیں۔
سکیورٹی ذرائع کے مطابق ضلع خیبر کے علاقے باڑہ میں سکیورٹی فورسز نے کامیاب انٹیلی جنس بیسڈ آپریشن کیا۔
آپریشن کے نتیجے میں فتنہ الخوارج کے 5 دہشتگرد ہلاک ہوگئے۔
سکیورٹی ذرائع کے مطابق ہلاک ہونے والے دہشتگردوں سے بھاری مقدار میں اسلحہ اور گولہ بارود بھی برآمد کیا گیا۔
سکیورٹی فورسز کی بھرپور کارروائی کے نتیجے میں فتنہ الخوارج کے ٹھکانوں کو مکمل طور پر تباہ کردیا گیا۔
سکیورٹی فورسز نے ملک سے دہشتگردی کے ناسور کے مکمل خاتمے اور پائیدار امن کے قیام کے لیے اپنے عزم کا اعادہ کیا ہے۔
