کراچی: پاکستان کا سب سے بڑا بین الاقوامی ہیلتھ ایونٹ 23ویں ہیلتھ ایشیا انٹرنیشنل ایگزیبیشن اینڈ کانفرنس کراچی میں منعقد ہوا۔
نمائش کا انعقاد ای کامرس گیٹ وے، وزارت قومی صحت و خدمات اور ایس آئی ایف سی کے تعاون سے کیا گیا۔
وفاقی وزیر صحت سید مصطفیٰ کمال نے ہیلتھ ایشیا نمائش کا افتتاح کیا۔
مختلف ممالک سے بین الاقوامی وفود، قونصل جنرلز اور ہیلتھ کیئر کمپنیوں نے ایکسپو میں شرکت کی۔
مختلف ممالک کی کمپنیوں نے جدید طبی مصنوعات، آلات اور ٹیکنالوجی نمائش کے لیے پیش کیں۔
چین، جاپان، کوریا اور تائیوان سمیت مختلف ممالک کے وفود اور جدید طبی مشینری نے ایکسپو کی اہمیت بڑھا دی۔
نمائش میں شریک شہریوں کے مطابق ہیلتھ ایشیا ایکسپو عوام میں جدید طبی سہولیات اور صحت کے حوالے سے آگاہی کا مؤثر ذریعہ ہے۔
ایک شہری نے کہا کہ ایسے پروگرام پاکستان کے ہیلتھ سیکٹر میں نئی سرمایہ کاری، ٹیکنالوجی اور ریونیو کے مواقع پیدا کر سکتے ہیں۔
