تروبا ٹیسٹ کے دوسرے روز پاکستانی بولرز نے شاندار کم بیک کرتے ہوئے میزبان ویسٹ انڈیز کی پوری ٹیم کو پہلی اننگز میں 311 رنز پر آؤٹ کر دیا ۔
میزبان ٹیم نے دوسرے دن اپنی نامکمل اننگز 3 وکٹوں کے نقصان پر 194 رنز سے دوبارہ شروع کی، تاہم پاکستانی بولرز نے زبردست بولنگ کا مظاہرہ کرتے ہوئے صرف 117 رنز کے اضافے پر ویسٹ انڈیز کی باقی تمام وکٹیں حاصل کر لیں ۔
ویسٹ انڈیز کی جانب سے شے ہوپ 92 اور کیوم ہوج 84 رنز بنا کر نمایاں رہے جبکہ شمار جوزف 23، تیجنارائن چندرپال اور عامر جینگو 21، 21، جسٹن گریوز 15، برینڈن کنگ 12 اور روسٹن چیز 10 رنز بنا سکے ۔
پاکستان کی جانب سے محمد علی نے شاندار بولنگ کرتے ہوئے 4 وکٹیں حاصل کیں، محمد عباس 3، خرم شہزاد 2 جبکہ عامر جمال نے ایک وکٹ اپنے نام کی ۔
