ضلعی انتظامیہ کے سیٹیزن فیسلیٹیشن سینٹر میں شہری خدمات کا سلسلہ جاری ہے ، اس حوالے سے ضلعی انتظامیہ اسلام آباد کی جانب سے گزشتہ ایک ہفتے کی کارکردگی رپورٹ جاری کردی گئی، ڈی سی اسلام آباد عرفان میمن کے مطابق سیٹیزن فیسلیٹیشن سینٹر آنے والے شہریوں کو ایک ہی چھت تلے تمام سہولیات فراہم کی جا رہی ہیں ۔
اسلام آباد: ضلعی انتظامیہ کے مطابق سٹیٹ آف دی آرٹ بلڈنگ کو شہریوں کے لیے جدید سہولیات سے آراستہ کیا گیا ہے، گزشتہ ایک ہفتے کے دوران 604 انٹرنیشنل ڈرائیونگ پرمٹ کا اجراء کیا گیا ۔
ضلعی انتظامیہ نے بتایا کہ 204 کریکٹر سرٹیفکیٹس، 859 ڈومیسائل جاری کیے گئے، ایک ہفتے کے دوران 149 برتھ سرٹیفکیٹس، 207 ایم آر سی اور ڈی آر سیز کا اجراء کیا گیا ۔
ڈی سی اسلام آباد عرفان میمن کا کہنا ہے کہ ایک ہفتے کے دوران 47 شورٹی بانڈز اور ڈاکیومنٹس اٹیسٹیشن کے 156 کیسز آئے، سیٹیزن فیسلیٹیشن سینٹر آنے والے شہریوں کو ایک ہی چھت تلے تمام سہولیات فراہم کی جا رہی ہیں ۔
ڈپٹی کمشنر اسلام آباد عرفان میمن کا مزید کہنا تھا کہ سروسز میں مزید بہتری کے لیے سیٹیزن کمپلینٹ باکس پر روزانہ کی بنیاد پر عمل درآمد کیا جاتا ہے ۔
دوسری جانب ترجمان نے بتایا کہ شہریوں کے لیے ائیر کنڈیشنڈ اور وی وی آئی پی ماحول ضلعی انتظامیہ کی عوام دوست پالیسز کا مظہر ہے، سیٹیزن فیسلیٹیشن سینٹر کی کارکردگی کے حوالے سے رئیل ٹائم اعدادوشمار کی مانیٹرنگ کی جا رہی ہے ۔
