شنگھائی:نائب وزیرِ اعظم محمد اسحاق ڈار کی ورلڈ آرٹیفیشل انٹیلی جنس کانفرنس کے موقع پر اقوامِ متحدہ کے سیکریٹری جنرل انتونیو گوتریس سے ملاقات ہوئی۔
سماجی رابطے کی ویب سائٹ ایکس پر اپنے بیان میں اسحاق ڈار نے کہا کہ ملاقات کے دوران اقوامِ متحدہ میں ہونے والی حالیہ ملاقاتوں اور ٹیلیفونک رابطوں کو یاد کیا گیا۔
انہوں نے کہا کہ دونوں رہنماؤں نے خطے اور دنیا کی تازہ صورتحال پر تبادلۂ خیال کیا۔
اس کے علاوہ مشترکہ عالمی چیلنجز سے نمٹنے، امن، پائیدار ترقی اور جامع پیش رفت کے فروغ کے لیے کثیرالجہتی تعاون کی اہمیت پر بھی گفتگو کی گئی۔
