کوئٹہ: تقریباً ایک سال بعد پاکستانی تاجروں کے لیے تفتان بارڈر پر تجارتی ویزا سہولت دوبارہ فعال کر دی گئی ہے۔
بلوچستان ہوم ڈیپارٹمنٹ کے نوٹیفکیشن کے بعد پاک۔ایران سرحدی تجارت کا نیا سفر شروع ہو گیا ہے۔
تاجروں کے مطابق تجارتی ویزا سہولت کی بحالی سے پاکستان اور ایران کے درمیان تجارتی روابط مزید مضبوط ہوں گے اور روزگار کے نئے مواقع پیدا ہوں گے۔
طویل انتظار کے بعد تجارتی ویزا سہولت کی بحالی کے فیصلے کا تاجروں نے بھرپور خیرمقدم کیا ہے۔
مقامی تاجروں کا کہنا ہے کہ ویزا بحالی کا یہ اقدام معیشت اور روزگار کے فروغ کے لیے ایک اہم اور مثبت پیش رفت ہے۔
