پشاور (شوبز نیوز) — نامور اداکار زبیر جدون المعروف وڈا لالہ نے کہا ہے کہ خیبر ٹیلیویژن نیٹ ورک کا چینل کے ٹو (K2) نہ صرف قومی سطح پر بلکہ علاقائی زبانوں میں بھی بامقصد اور توجہ طلب پروگرام پیش کر رہا ہے۔
انہوں نے کہا کہ بالخصوص ہزارہ ریجن میں یہ چینل خاصی مقبولیت حاصل کر چکا ہے اور ناظرین کی بڑی تعداد اسے پسند کرتی ہے۔
زبیر جدون کے مطابق کے ٹو ٹیلیویژن عالمی سطح پر پاکستان کی علاقائی زبانوں اور قدیم ثقافت کو نہ صرف متعارف کروا رہا ہے بلکہ انہیں مؤثر انداز میں فروغ بھی دے رہا ہے، جو ایک مثبت پیش رفت ہے۔
