عالمی مالیاتی ادارے یعنی آئی ایم ایف کی جانب سے پاکستان کیلئے 1.2 ارب ڈالر قرض قسط کی منظوری دے دی، وزارت خزانہ نے قرض قسط منظوری کی تصدیق بھی کی ہے ۔
اسلام آباد: وزارت خزانہ کی جانب سے جاری بیان کے مطابق قرض کی یہ رقم ای ایف ایف اور آر ایس ایف پروگرامز کے تحت فراہم کی جائے گی ۔
قرض قسط کی منظوری کے بعد پاکستان کو توسیعی فنڈ سہولت پروگرام کے تحت ایک ارب ڈالر جبکہ ریزیلینس اینڈ سسٹین ایبلٹی فیسلٹی کے تحت 210 ملین ڈالر اضافی موصول ہوں گے ۔
پاکستان اور آئی ایم ایف کے درمیان 27 مارچ کو سٹاف لیول معاہدہ طے پایا تھا، جس کے تحت پاکستان نے مالیاتی نظم و ضبط، ٹیکس اصلاحات اور دیگر معاشی شرائط پر عملدرآمد مکمل کیا ۔
عالمی مالیاتیا دارے کے ایگزیکٹو بورڈ نے اسی معاہدے کی روشنی میں پاکستان کے لئے قرض قسط کی حتمی منظوری دی ۔
وزیر خزانہ محمد اورنگزیب نے کہا تھا کہ پاکستان نے تمام پیشگی اقدامات مکمل کر لیے ہیں اور سٹاف لیول معاہدہ کامیابی سے مکمل ہونے کے بعد قرض منظوری کی راہ ہموار ہو گئی ہے ۔
