اسلام آباد: وفاقی وزیر داخلہ سید محسن نقوی نے سملی ڈیم کا تفصیلی دورہ کیا۔
وفاقی وزیر کو ڈیم کی توسیع کے حوالے سے بریفنگ دی گئی۔
بریفنگ میں بتایا گیا کہ سملی ڈیم سے اسلام آباد کو 40 فیصد پانی فراہم کیا جاتا ہے۔
وزیر داخلہ سید محسن نقوی نے سملی ڈیم کی توسیع کیلئے قابل عمل اور جامع پلان جلد پیش کرنے کی ہدایت کی۔
وفاقی وزیر نے کہا کہ توسیعی منصوبے سے پانی کی وافر فراہمی یقینی بنائی جا سکے گی۔
انہوں نے ڈیم کے اطراف کے علاقے کا بھی جائزہ لیا اور وہاں تفریحی سرگرمیوں کے فروغ اور ڈویلپمنٹ کے لیے منصوبہ طلب کیا۔
انہوں نے مزید کہا کہ اس منصوبے سے شہریوں کو عالمی معیار کی تفریحی سہولیات فراہم کی جا سکیں گی۔
اس موقع پر چیئرمین سی ڈی اے، آئی جی اسلام آباد پولیس اور دیگر متعلقہ حکام بھی موجود تھے۔
