پنجاب میں امن و امان کی صورتحال میں نمایاں بہتری آئی ہے اور حکومتی اقدامات کے مثبت نتائج سامنے آ رہے ہیں۔ سال 2025 کے مقابلے میں 2026 کے ابتدائی دو ماہ کے دوران سنگین جرائم کی شرح میں تاریخی کمی ریکارڈ کی گئی ہے.
حکومت پاکستان کے ترجمان کے مطابق ڈکیتی کی وارداتوں میں 77 فیصد، تاوان کے لیے اغوا میں 54 فیصد، شاہراہوں پر چھینا جھپٹی میں 39 فیصد، قتل کے واقعات میں 31 فیصد اور گاڑیوں کی چوری میں 17 فیصد کمی دئکھنے میں آئی۔
یہ غیر معمولی کامیابی پنجاب پولیس کی دن رات کی محنت اور جدید ترین اسٹریٹجک پلاننگ کا ثبوت ہے۔ ڈکیتی سے لے کر سٹریٹ کرائم تک ہر شعبے میں کمی واضح ہے۔ پنجاب حکومت کا عزم ہے کہ جب تک ہر شہری خود کو مکمل محفوظ محسوس نہ کرے، یہ مشن جاری رہے گا۔ ہم ایک محفوظ اور پرامن پنجاب کی جانب تیزی سے گامزن ہیں جہاں قانون کی حکمرانی ہر صورت مقدم ہوگی۔
