پاکستان نے سری لنکا کو 6 وکٹوں سے ہرا کر سہ فریقی ٹی ٹوینٹی سیریز کی ٹرافی اپنے نام کرلی، پاکستان نے 115 رنز کا ہدف 19ویں اوور میں 4 وکٹوں کے نقصان پر حاصل کر لیا، پاکستان کی جانب سے بابر اعظم 37 رنز بنا کر ناٹ آؤٹ رہے، آل راؤنڈر محمد نواز کو میچ اور سیریز کا بہترین کھلاڑی قرار دیا گیا ۔
راولپنڈی کرکٹ سٹیڈیم میں سہ فریقی سیریز کے فائنل میچ میں پاکستان نے ٹاس جیت کر پہلے خود فیلڈنگ کا فیصلہ کیا اور سری لنکا کو بیٹنگ کی دعوت دی ۔
سری لنکا کی پوری ٹیم آخری اوور میں 114 رنز پر ڈھیر ہو گئی، کامل مشرا نے 59 اور کوسال مینڈس نے 14 رنز بنائے ، باقی کوئی بھی لنکن کھلاڑی ڈبل فگر میں داخل نہ ہو سکا ۔
پاکستان کی جانب سے شاہین شاہ آفریدی اور محمد نواز نے شاندار بولنگ کرتے ہوئے 3، 3جبکہ ابرار احمد نے دو، سلمان مرزا اور صائم ایوب نے ایک ایک وکٹ حاصل کی ۔
قومی ٹیم نے 115 رنز کا ہدف 19 ویں اوور میں 4 وکٹوں کے نقصان بآسانی پورا کرکت ٹرافی اپنے نام کرلی، پاکستان کی جانب سے بابر اعظم 37 اور عثمان خان 3 رنز بنا کر ناٹ آؤٹ رہے ۔
قومی ٹیم کے دیگر بیٹرز میں صائم ایوب 36، صاحبزادہ فرحان 23، سلمان علی آغا 14 اور فخر زمان 3 رنز بنا کر آؤٹ ہوئے ،
سری لنکا کی جانب سے پون نے 2 اور ایشان ملنگا نے ایک وکٹ حاصل کی ۔
پاکستان کے مایاز کھلاڑی محمد نواز کو شاندار آل راؤنڈ کارکردگی پر فائنل میچ اور سیریز کا بہترین کھلاڑی قرار دیا گیا، اس موقع پر سیریز میں بہترین کارکردگی دکھانے والے دیگر کھلاڑیوں کو بھی انعامات سے نوازا گیا ۔
