وفاقی دارالحکومت اسلام آباد میں دھواں چھوڑنے والی گاڑیوں کے خلاف کاروائیوں کا باقاعدہ آغاز کردیا گیا ہے ، اس سلسلے میں اسلام آباد ٹرانسپورٹ اتھارٹی نے 50 گاڑیوں کی انسپکشن کی ۔
اسلام آباد ٹرانسپورٹ اتھارٹی کی جانب سے دھواں چھوڑنے والی گاڑیوں کے خلاف یومیہ کریک ڈاؤن کا آغاز کیا گیا ہے اور پہلے روز 50 گاڑیوں کی انسپکشن کی گئی ہے ۔
چئیرمین اسلام آباد ٹرانسپورٹ اتھارٹی عرفان میمن کے مطابق دھواں چھوڑنے پر 4 گاڑیاں تھانے منتقل 25 کو وارننگ دی گئی ہے ۔
عرفان میمن کا کہنا تھا کہ ماحول میں بگاڑ پیدا کرنے والی گاڑیوں کے خلاف زیرو ٹالرینس پالیسی اپنائی جائے گی،شہری دھواں چھوڑنے والی گاڑیوں کی نشاندہی میں ہمارا ساتھ دیں ۔
انہوں نے کہا کہ دھواں چھوڑنے والی گاڑیوں کو بند کر کے ڈرائیور پر بھاری جرمانے بھی عائد کیے جائیں گے تاکہ اسلام آباد کی فضا صاف رہ سکے ۔
