پشاور( حسن علی شاہ سے ) قیام پاکستان سے قبل ہندوستان میں ایک فلم ترانہ بنی جس کے ہیرو دلیپ کمار اور ہیروئن مدھو بالا تھیں۔
اس فلم کی شوٹنگ کے دوران مدھو بالا دلیپ کمار پہ فریفتہ ہوگیں اور اپنے والد عطااللہ سے دلیپ کمار سے شادی کرنے کی خواہش کا اظہار کیا مگر یہ خواہش پوری نہ ہوسکی کیونکہ عطااللہ اپنی صاحبزادی کو سونے کی چڑیا سمجھتا تھا۔ سائرہ بانو سے دلیپ کمار کی شادی کے بعد مدھو بالا نے کچھ عرصہ بعد فلموں سے کنارہ کشی اختیار کرلی اور گلوکار کشور کمار کی دوسری بیوی بن کر باقی زندگی رنج وغم میں بسر کی طویل عرصہ علالت میں گزرا اور آخرکار اپنے خالق حقیقی سے جا ملیں۔
