پشاور ( حسن علی شاہ سے ) بلاشبہ یہ دنیا ایک سرائے کی مانند ہے اور ہر زی روح کا یہ عارضی ٹھکانہ ہے کرہ ارض پہ انسانوں کا ایک سمندر ازل سے ابد تک دکھائی دیتا رہے گا۔ لوگ آیئں گے اور وقت مقررہ پہ دنیا سے واپس جاتے رہیں گے۔ ایسی ایسی نامور شخصیات نے دنیا میں قدم رکھا جنہوں نے اپنے اپنے شعبوں میں کمال کر دیکھایا جن کو ان کے دنیا سے رخصت ہونے کے بعد بھی یاد رکھا گیا۔ ہم اگر فن وٹقافت سے وابستہ خداداد صلاحیتوں کے حامل فنکاروں کی بات کریں تو دلیپ کمار، قوی خان، محبوب عالم، خیام سرحدی، قاضی واجد، عابد علی، سلیم ناصر، طارق عزیز، شفیع محمد، طلعت حسین اور روحی بانو کا نام قابل ذکر ہے۔
