گلگت بلتستان کےضلع غذر کے کئی علاقوں میں لینڈ سلائیڈنگ کے واقعات میں درجنوں مکانات زد میں آ گئے جبکہ شاہراہ قراقرم 3 مقامات پر بند ہوگئی۔
ڈپٹی کمشنر غذر کا کہنا ہے کہ غذر میں گوپس کے یانگل نامی گاؤں میں لینڈ سلائیڈنگ کی وجہ سے 15 گھر تباہ ہوگئے جبکہ 59 مکانات کو معمولی نقصان پہنچا ہے۔
ڈی سی غذر کے مطابق لینڈ سلائیڈنگ کے باعث 45 مویشی خانے مکمل جبکہ 20 جزوی طور پر متاثر ہوئے ہیں۔
ذرائع کے مطابق اشکومن، ہائم اور یاسین میں بھی متعدد مکانات، مویشی خانوں ، کھڑی فصلوں اور درختوں کو نقصان پہنچا ہے۔
سیلابی ریلوں سے متاثرہ گلگت، غذر، شندور روڈ ٹریفک کے لیے کھول دیا گیا ہے تاہم ہنزہ میں مزید تیز ہواؤں کے ساتھ بارش کے بعد قراقرم ہائی وے تین مقامات پر لینڈ سلائیڈنگ کے باعث بند ہوگئی ہے جبکہ کئی بالائی علاقوں کا زمینی رابطہ بھی منقطع ہوگیا ہے۔
