پنجاب حکومت نے اسلام آباد کے رہائشیوں کو بھی 2 مہینے کے لیے سستی بجلی دینے کا فیصلہ کیا ہے
وزیراعلیٰ پنجاب مریم نواز کی ہدایت کے بعد اسلام آباد کی بجلی کمپنی کے ساتھ لاہور ، گوجرانوالہ، فیصل آباد اور ملتان کی بجلی کمپنیوں کو خطوط بھیج دیے گئے ہیں۔
سینئر صوبائی وزیر مریم اورنگزیب کا کہنا ہے کہ 201 ایک سے 500 یونٹ تک استعمال کرنے والوں کو اگست اور ستمبر کے مہینوں میں 14 روپے فی یونٹ بجلی سستی دی جائے گی، شہریوں کو یہ ریلیف پنجاب کے بجٹ سے دیا گیا ہے، باقی صوبوں کو بھی یہ اختیار ہے کہ وہ اپنے بجٹ سے عوام کو ریلیف دیں۔
یاد رہے کہ گزشتہ ہفتے نواز شریف نے وزیراعلیٰ پنجاب مریم نواز کے ساتھ پریس کانفرنس کرتے ہوئے صوبے بھر میں 500 یونٹ تک بجلی استعمال کرنے والوں کو 2 ماہ کے لیے 14 روپے فی یونٹ تک ریلیف دینے کا اعلان کیا تھا۔
وزیراعظم نے بھی وزیراعلیٰ پنجاب کے بجلی کی قیمتوں میں ریلیف کے اقدامات کو سراہا تھا۔
