ٹک ٹاک بنانے والی لیڈی پولیس اہلکار نے وفاقی پولیس کے ڈسپلن کو چیلنج کر دیا، دوران ڈیوٹی خاتون اہلکار ٹک ٹاک بنانے میں مگن۔ اسلام آباد پولیس اہلکار کی ہندوستانی گانے پر ڈانس کرنے کی ٹک ٹاک ویڈیوز وائرل ہو گئی۔ ذرائع کے مطابق ٹک ٹاک بنانے والی خاتون سی ٹی ڈی کی اہلکار ہے۔
ذرائع کا کہنا ہے کہ لیڈی کانسٹیبل کو نوکری سے برطرف کر دیا گیا ہے۔ لیڈی کانسٹیبل کو ایس پی ڈولفن کی جانب سے برطرف کیا گیا۔ رپورٹ کے مطابق لیڈی کانسٹیبل نے وردی کی توہین کی اور تسلی بخش جواب دینے میں ناکام رہی۔ لیڈی کانسٹبل کو معطل کرکے شوکاز نوٹس بھی دیا گیا۔ تسلی بخش وضاحت نہ ہونے پر برطرف کر دیا گیا ہے۔
