مسلم لیگ ن کی پارلیمانی پارٹی اور اتحادی جماعتوں کے اجلاس طلب کرلیے گئے ہیں۔
ذرائع کے مطابق مسلم لیگ (ن)کی پارلیمانی پارٹی کا اجلاس پارلیمنٹ ہاؤس میں آج سہ پہر 3بجے ہوگا۔ اجلاس کی صدارت لیگی قائد میاں محمد نواز شریف کریں گے۔ اس حوالے سے نومنتخب لیگی ارکان قومی اسمبلی کو اجلاس میں شرکت کی ہدایت کر دی گئی ہے۔ اجلاس میں شہباز شریف کو وزیر اعظم نامزد کرنے کے فیصلے کی توثیق بھی کی جائے گی۔
جبکہ دوسری جانب مسلم لیگ (ن)اور دیگر اتحادی جماعتوں کا اجلاس بھی طلب کررکھا ہے۔ نواز شریف پنجاب ہاؤس میں نو منتخب ارکان کے اعزاز میں عشائیہ دیں گے۔اجلاس میں اتحادی جماعتیں شہباز شریف کو وزیر اعظم بنانے کے فیصلے کی تائید کریں گی۔کل ہونے والے قومی اسمبلی کے اجلاس کی حکمت عملی بھی طے کی جائے گی
