انسداد دہشت گردی عدالت پشاور نے 9 مئی ریڈیو پاکستان حملہ کیس میں سہیل آفریدی سمیت دیگر ملزمان کے وارنٹ گرفتاری جاری کرتے ہوئے تحریری حکم نامہ جاری کر دیا ۔
پشاورؒ انسداد دہشتگردی کی عدالت کے تحریری حکم نامے کے مطابق کیس میں سپیشل پراسیکیوٹر نعمان الحق کاکاخیل کو ڈی نوٹیفائی کر دیا گیا ہے جبکہ ریڈیو پاکستان کیسز میں 9 ملزمان تاحال مفرور ہیں ۔
اے ٹی سی کے حکم نامے میں کہا گیا ہے کہ پراسیکیوشن نے پولیس کی جانب سے سپلیمنٹری چالان عدالت میں جمع کرا دیا ہے، پولیس چالان میں سہیل آفریدی، کامران بنگش، تیمور جھگڑا، عرفان سلیم اور عامر خان چمکنی کو نامزد کیا گیا ہے جنہیں تاحال گرفتار نہیں کیا گیا ۔
عدالت نے ملزمان کے خلاف ضابطہ فوجداری کی دفعہ 204 کے تحت وارنٹ گرفتاری جاری کرتے ہوئے کیس کی سماعت 4 نومبر تک ملتوی کر دی ۔
