جان کربی نے کہا ہے کہ امریکا کو پاکستانی انتخابات میں مبینہ دھاندلی کے الزامات پر تشویش ہے۔
پریس بریفنگ کے دوران ترجمان امریکی نیشنل سیکیورٹی کونسل جان کربی کا کہنا تھا کہ پاکستان میں الیکشن کے دوران ووٹرز کو ڈرانے دھمکانے سے متعلق کچھ رپورٹس کا سنا ہے۔ ووٹ ابھی بھی گنے جا رہے ہیں اور عالمی مبصرین جائزہ لے رہے ہیں۔
ترجمان نیشنل سکیورٹی کونسل کا کہنا تھا ہم اس چیز کو بہت قریب سے دیکھ رہے ہیں۔ہم فکر مند ہیں اور ان رپورٹس کے بارے میں خدشات کا اظہار کرتے ہیں جو پاکستان سے ڈرانے دھمکانے، رائے دہندگان کو دبانے اور اس طرح کی چیزوں کے حوالے سے سنی ہیں۔یاد رہے کہ گزشتہ روز بانی پی ٹی آئی نے پارٹی رہنماؤں کے ذریعے امریکا کے لئے خصوصی پیغام جاری کیا ۔ جس میں انہوں نے مطالبہ کیا تھا کہ امریکا پاکستان میں ہونے والے عام انتخابات 2024کے دوران مبینہ دھاندلی پر آواز اٹھائے۔
