پی ایس ایل 9 کے سنسنی خیز مقابلے جاری۔ آج پشاور زلمی اور کراچی کنگز کے درمیان گھمسان کا رن پڑے گا۔
پاکستان سپر لیگ 9کا 29واں میچ آج کراچی کے نیشنل سٹیڈیم میں کراچی کنگز اور پشاور زلمی کے درمیان ہو گا۔رواں سیزن میں دونوں ٹیموں کے گزشتہ باہمی مقابلے میں کراچی کنگز نے 7وکٹوں سے کامیابی حاصل کی تھی جبکہ اس سے قبل پشاور زلمی کی ٹیم مسلسل فتوحات سمیٹ رہی تھی۔ اب اس کی نگاہیں کنگز سے اس کے ہوم گراؤنڈ پر بدلہ لینے پر مرکوز ہیں۔زلمی کی ٹیم رواں سیزن میں اپنے 9میں سے 5میچز جیت چکی ہے۔
2میں اسے شکست ہوئی جبکہ ایک میچ بارش کی نذر ہونے کی وجہ سے ایک پوائنٹ ملا جس کی وجہ سے اس کے مجموعی پوائنٹس کی تعداد 9ہے۔دوسری جانب کراچی کنگز نے اپنے گزشتہ میچ میں شعیب ملک کے آخری گیند پر چوکے کی بدولت لاہور قلندرز کے خلاف فتح حاصل کی تھی۔ کراچی کی اپنے تجربہ کار آل راؤنڈر سے توقعات مزید بڑھ گئی ہیں اور انہیں پشاورزلمی کے خلاف بھی شعیب سے میچ وننگ کارکردگی کی توقع ہے۔کراچی کنگز کا رواں ایڈیشن میں سفر زیادہ اچھا نہیں رہا۔انہوں نے اپنے 9 میں سے 4میچز جیتے اور 5میں اسے شکست کا سامنا کرنا پڑا۔پلے آف مرحلے میں چار ٹیمیں پہنچ چکی ہیں۔جن میں ملتان سلطان ،اسلام آباد یونائیٹڈ ،پشاور زلیمی،اور کائٹہ گلیڈی ایٹر شامل ہیں۔لاہور اور کراچی کنگزکا سفر پی ایس ایل سیزن 9سے اختتام پذید ہوگیا
