بٹگرام کی تحصیل آلائی میں دو فریقین کے درمیان فائرنگ کے نتیجے میں 3 افراد جاں بحق ہوگئے، ذرائع کے مطابق واقعہ ایک دکان پر پیش آیا، جس کے بعد علاقے میں خوف و ہراس پھیل گیا ۔
بٹگرام: تحصیل آلائی کے سیاحتی مقام وادی چوڑ میں دو فریقین کے درمیان فائرنگ کے افسوسناک واقعے میں تین افراد جان کی بازی ہار گئے، ذرائع کے مطابق معمولی تنازعہ اچانک خونریز تصادم میں تبدیل ہوگیا ۔
واقعے کے بعد جاں بحق افراد کی نعشیں پوسٹ مارٹم کے لیے ٹائپ ڈی ہسپتال آلائی منتقل کی گئیں، جہاں پولیس کی بھاری نفری تعینات رہی، ہسپتال کے باہر مقامی افراد سمیت سیاسی و سماجی شخصیات کی بڑی تعداد موجود رہی اور لواحقین سے اظہار تعزیت کیا ۔
پوسٹ مارٹم مکمل ہونے کے بعد نعشیں ورثاء کے حوالے کردی گئیں جبکہ پولیس نے واقعے کی تحقیقات شروع کر دی ہیں، انتظامیہ کا کہنا ہے کہ واقعے میں ملوث افراد کے خلاف قانون کے مطابق کارروائی عمل میں لائی جائے گی ۔
