آزاد کشمیر بھر میں کالعدم جوائنٹ عوامی ایکشن کمیٹی کی احتجاجی کال عوامی سطح پر مؤثر پذیر نہ ہو سکی۔ دیگر شہروں کی طرح راولاکوٹ میں بھی معمولات زندگی مکمل طور پر بحال رہے۔
راولاکوٹ میں کاروباری مراکز، بازار اور دکانیں معمول کے مطابق کھلی رہیں۔ شہریوں کی آمد و رفت جاری رہی جبکہ ٹریفک کی روانی بھی مکمل طور پر بحال دکھائی دی۔
راولاکوٹ میں کاروباری اور سماجی سرگرمیاں جاری
راولاکوٹ میں تعلیمی، کاروباری اور سماجی سرگرمیاں معمول کے مطابق جاری رہیں۔ شہر کے مختلف علاقوں میں عوام نے روزمرہ کاموں میں حصہ لیا اور کسی بڑے تعطل کی اطلاع سامنے نہیں آئی۔
مقامی صورتحال کے مطابق شہر میں امن و امان برقرار رہا۔ شہریوں نے احتجاجی کال کے بجائے معمول کی زندگی کو ترجیح دی۔
عوام نے احتجاجی کال کو مسترد کر دیا
راولاکوٹ میں صورتحال مکمل طور پر پرامن رہی۔ عوامی سطح پر احتجاجی کال کو پذیرائی نہ مل سکی اور شہر کے بیشتر علاقے کھلے رہے۔
مقامی حلقوں کے مطابق عوام نے منفی سیاست اور ہڑتال کی کال کو مسترد کرتے ہوئے کاروبار، تعلیم اور روزمرہ سرگرمیاں جاری رکھیں۔
ہڑتال سوشل میڈیا تک محدود رہی
کالعدم جوائنٹ عوامی ایکشن کمیٹی کی ہڑتال عملی طور پر سوشل میڈیا تک محدود دکھائی دی۔ راولاکوٹ شہر میں بازار کھلے رہے اور شہری معمول کے مطابق اپنے کاموں میں مصروف رہے۔
مجموعی طور پر آزاد کشمیر میں امن و امان کی صورتحال برقرار رہی جبکہ راولاکوٹ میں کاروباری، تعلیمی اور سماجی سرگرمیاں معمول کے مطابق جاری رہیں۔
