پٹرولیم مصنوعات کی قیمتوں میں کمی پر عوام نالاں ہے.شہریوں کا کہنا ہے کہ پیٹرول کی قیمتوں میں بڑا اضافہ کیا جاتا ہے اور جب کمی کی باری آتی ہے تو عوام کو چند روپے کا ریلیف دیا جاتا ہے جو کہ نہ ہونے کے برابر ہے۔
عوام کا مزید کہنا تھا کہ اس سے مہنگائی میں کوئی کمی نہیں آئے گی۔شہریوں نے نگران حکومت سے مطالبہ کیا ہے کہ عوام کو پیٹرولیم مصنوعات کی قیمتوں میں خاطر خواہ ریلیف فراہم کیا جائے۔اور اشیاء خوردنوش کی قیمتوں میں کمی کی جائے.
یاد رہے کہ گزشتہ روز حکومت نے پٹرول کی قیمت میں کمی کا اعلان کیا تھا۔وزارت خزانہ کی جانب سے جاری نوٹیفکیشن کے مطابق پٹرول کی قیمت میں 8روپے فی لٹر کمی کی گئی جس کے بعد پٹرول کی نئی قیمت 259روپے 34پیسے فی لٹر ہوگئی۔ ہائی سپیڈ ڈیزل سمیت دیگر پٹرولیم مصنوعات کی قیمتوں میں کوئی ردو بدل نہیں کیا گیا۔
