تربیلا ڈیم انتظامیہ کی جانب سے ایک بار پھر ڈیم کے سپل ویز کھول دیے گئے، نشیبی علاقوں اور متعلقہ اداروں کو الرٹ رہنے کی ہدایات بھی جاری کردی گئیں ۔
ہری پور: ترجمان کے مطابق ڈیم سے پانی کا اخراج 2 لاکھ 50 ہزار کیوسک تک پہنچنے کا امکان ہے، جو کہ ضرورت پڑنے پر بڑھا کر 2 لاکھ 80 ہزار کیوسک تک کیا جا سکتا ہے ۔
انتظامیہ نے نشیبی علاقوں کے رہائشیوں اور متعلقہ اداروں کو الرٹ رہنے کی ہدایت دیتے ہوئے کہا ہے کہ پانی کے اخراج میں اضافے سے دریائے سندھ کے قریب واقع علاقوں میں سیلابی صورتحال پیدا ہونے کا خدشہ ہے ۔
ڈٰم انتظامیہ کی جانب سے عوام سے اپیل کی گئی ہے کہ غیر ضروری طور پر دریا کے کناروں پر نہ جائیں اور حفاظتی اقدامات پر عمل کریں ۔
ذرائع کے مطابق یہ اقدام پانی کے بڑھتے دباؤ کو کم کرنے اور ڈیم کے محفوظ آپریشن کو یقینی بنانے کے لیے اٹھایا جا رہا ہے ۔
