اسلام آباد میں پی ٹی آئی کا احتجاج ختم ہوتے ہی آج اسٹاک مارکیٹ میں تیزی کا رجحان دیکھا جارہا ہے۔
کاروباری ہفتے کےتیسرےروز اسٹاک مارکیٹ میں غیرمعمولی تیزی کا رجحان دیکھا جارہا ہے، اسٹاک مارکیٹ میں چند منٹ میں ایک ساتھ 95، چھیانوے،97 اور 98 ہزار پوائنٹس کی چار حدیں بحال ہوگئیں ہیں۔ دوران ٹریڈنگ 3700 سے زائد پوائنٹس کی تیزی کے بعد ہنڈریڈ انڈیکس 3741 پوائنٹس بڑھکر 98315 پوائنٹس پر جا پہنچا ہے۔ خیال رہے کہ پی ٹی آئی احتجاج کے باعث گزشتہ روز اسٹاک مارکیٹ میں شدید مندی کا رجحان دیکھا گیا تھا۔ اس سے یہ بات ثابت ہوتی ہے کہ اس طرح کے احتجاج ملکی معیشت کے لیے کتنے نقصان دہ ہیں۔
