ورلڈ ٹیسٹ چیمپئن شپ کا فائنل جنوبی افریقہ نے جیت کر تاریخ میں پہلی بار ٹرافی اپنے نام کرلی، آسٹریلیا کے 282 رنز کا ہدف جنوبی افریقہ نے میچ کے چوتھے روز 5 وکٹ کے نقصان پر پورا کرکے کامیابی حاصل کی ۔
لارڈز کے تاریخ کرکٹ گراونڈ میں کھیلے گئے فائنل کے چوتھے روز جنوبی افریقہ نے آسٹریلیا کی جانب سے دیا گیا 282 رنز کا ہدف 5 وکٹ کے نقصان پر پورا کیا اور ٹرافی اپنے نام کرلی ۔
جنوبی افریقہ کی جانب سے ایڈم مارکرم نے شاندار 136 رنز کی اننگز کھیلی، کپتان تمبا باوومہ 66 بناکر نمایاں بیٹر رہے جبکہ ڈیوڈ بیڈنگھم 21 رنز بناکر ناقابل شکست رہے ۔
آسٹریلیا کی جانب سے مچل سٹارک 3، جوش ہیزل ووڈ اور پیٹ کمنز نے ایک ایک کھلاڑی کو آوٹ کیا ۔
اس سے قبل آستریلیا نے پہلی اننگز میں 212 رنز بنائے تھے جس کے جواب میں جنوبی افریقہ کی پوری ٹیم پہلی اننگز میں 138 رنز بناکر آوٹ ہو گئی تھی ، آسٹریلیا کو پہلی اننگز میں 74 رنز کی برتری بھی حاصل ہو گئی ۔
آسٹریلیا نے دوسری اننگز میں 207 رنز بنائے تھے اور یوں جنوبی افریقہ کو فائنل میچ جیتنے کیلئے 282 رنز کا ہدف ملا تھا،شاندار سنچری سکور کرنے پر جنوبی افریقہ کے مایاناز بلے باز ایڈن مارکرم کو میچ کے بہترین کھلاڑی کا اعزاز دیا گیا ۔۔
یہ جنوبی افریقہ کا آئی سی سی کا دوسرا ٹائٹل ہے، اس سے قبل اس نے 1998 میں آئی سی سی ون ڈے چیمپیئنز ٹرافی جیتی تھی ۔
