تھانہ شنکیاری کی حدود بھوگڑمنگ میں کمسن بچی کے ساتھ مبینہ زیادتی کا افسوسناک واقعہ پیش آیا، جس پر پولیس نے فوری اور بروقت کارروائی کرتے ہوئے ملزم کو گرفتار کر لیا۔
پولیس کے مطابق واقعے کی اطلاع ملتے ہی تھانہ شنکیاری کی ٹیم نے کارروائی کرتے ہوئے ملزم ناصر ولد خانیزمان، سکنہ بھوگڑمنگ کو حراست میں لے لیا۔ ملزم کے خلاف مقدمہ درج کر کے مزید تفتیش شروع کر دی گئی ہے۔
ڈی پی او مانسہرہ محمد اظہر خان نے واقعے کا سخت نوٹس لیتے ہوئے متعلقہ حکام کو ہدایت کی ہے کہ تفتیش کو میرٹ پر مکمل کیا جائے اور تمام قانونی تقاضوں کو پورا کرتے ہوئے ملزم کو قرار واقعی سزا دلانے کو یقینی بنایا جائے۔
