ایران اور امریکہ کے درمیان مذاکرات کے دوسرے دور کی خبروں کے بعد عالمی مارکیٹ میں تیل کی قیمتوں میں استحکام دیکھا جا رہا ہے۔ غیر ملکی میڈیا کے مطابق ان مذاکرات کی پیش رفت سے متعلق اطلاعات سامنے آنے کے بعد خام تیل کی قیمتوں میں اتار چڑھاؤ کم ہو گیا ہے اور مارکیٹ نسبتاً مستحکم ہو گئی ہے۔
برطانوی برینٹ کروڈ کی قیمت میں معمولی اضافہ ریکارڈ کیا گیا ہے، جس کے بعد برینٹ کروڈ اس وقت 95 ڈالر 23 سینٹ فی بیرل پر ٹریڈ کر رہا ہے۔
دوسری جانب ویسٹ ٹیکساس انٹرمیڈیٹ ڈبلیو ٹی آئی خام تیل کی قیمت میں معمولی کمی دیکھنے میں آئی ہے اور یہ 91 ڈالر 14 سینٹ فی بیرل تک آ گئی ہے۔
ماہرین کا کہنا ہے کہ ایران اور امریکا کے درمیان جاری سفارتی کوششیں عالمی تیل مارکیٹ پر اثر انداز ہو رہی ہیں، جس کے باعث قیمتوں میں استحکام پیدا ہوا ہے۔
