لاہور: وزیراعلیٰ پنجاب مریم نواز شریف سے ساہیوال کے ارکانِ صوبائی اسمبلی نے ملاقات کی۔
ملاقات کرنے والوں میں ولایت شاہ، قاسم ندیم، ارشد ملک، ندیم اسلم لودھی، رانا ریاض احمد اور محمد حنیف شامل تھے۔
ملاقات میں ساہیوال میں جاری ترقیاتی منصوبوں، بیوٹیفکیشن، سیوریج اور ڈرینج کے منصوبوں سمیت دیگر امور پر گفتگو ہوئی۔
وزیراعلیٰ مریم نواز شریف نے ساہیوال میں جلد 14 مزید الیکٹرو بسیں فراہم کرنے کا اعلان کیا.
وزیر اعلیٰ نے ارکانِ اسمبلی کو جاری ترقیاتی منصوبوں کے معیار اور شفافیت پر کڑی نظر رکھنے کی ہدایت کی۔
صوبائی ارکانِ اسمبلی نے ساہیوال شہر کی بیوٹیفکیشن کو شاندار اور تاریخی اقدام قرار دیا۔
اراکین نے پنجاب ڈویلپمنٹ پراجیکٹ کے تحت چھوٹے، بڑے شہروں اور دیہات میں جاری ترقیاتی منصوبوں کو سراہا۔
ارکانِ صوبائی اسمبلی نے ساہیوال ڈویژن کے لیے 10 جدید ترین ’’نواز شریف اسکولز آف ایمننس‘‘ کے اقدام پر اظہارِ تشکر کیا۔
ساہیوال اور دیگر شہروں میں سیوریج اور ڈرینج کے منصوبوں پر بھی اظہارِ تشکر کیا گیا۔
ارکانِ صوبائی اسمبلی نے کہا کہ پہلی مرتبہ عوام کے حقیقی مسائل حل کرنے پر توجہ دی جا رہی ہے۔
انہوں نے کہا کہ ساہیوال میں عارف والا بائی پاس، یوسف والا، نور شاہ، کے ایف سی بائی پاس، جنرل بس اسٹینڈ تا کمیر، اڈہ سبیل اور بالا موڑ پر الیکٹرو بسیں ہزاروں لوگوں کو سہولت فراہم کر رہی ہیں۔
مریم نواز شریف نے کہا کہ ترقیاتی منصوبوں کو بڑے شہروں سے نکال کر گاؤں کی سطح پر لے آئے ہیں۔
انہوں نے کہا کہ نواز شریف سکولز آف ایمننس میں غریب اور امیر کے بچوں کو ترقی کے یکساں مواقع میسر آئیں گے۔
وزیراعلیٰ پنجاب نے کہا کہ نواز شریف سکولز آف ایمننس کا معیار کسی بھی اچھے اور بڑے نجی سکول سے کم نہیں ہوگا۔
