(لوئر چترال) ریجنل پولیس آفیسر ملاکنڈنےچترال کا دورہ کیا۔ اس موقع پر ڈی۔آئی۔جی ویلفئیر کاشف مشتاق کانجو اور اے۔آئی۔جی ویلفئیر حمید اللہ بھی ان کے ہمراہ موجود تھے ۔لوئر چترال پولیس کے چاق و چوبند دستے نے آر۔پی۔او ملاکنڈ اور ڈی۔آئی جی ویلفئیر کو سلامی پیش کی۔آر۔پی۔او ملاکنڈ، ڈی۔آئی۔جی ویلفئیر اور اے۔آئی۔جی ویلفئیر نے پولیس لائن لوئر چترال میں یادگار شہداء پر حاضری دی, پھول چڑھائے اور شہداء کے بلند درجات کے لئے فاتحہ خوانی کی۔
خدمت مرکز زرگراندہ کے دورے کے دوران ار۔پی۔او ملاکنڈ نے پولیس ڈرائیونگ سکول آفس کا باقاعدہ افتتاح کیا ۔اس کے علاوہ خدمت مرکز زرگراندہ میں موجود کمانڈ اینڈ کنٹرول سنٹر اور دیگر شعبہ جات کا بھی معائنہ کیا اور عوام کو دی جانے والی سہولیات پر اطمینان کا اظہار کیا ۔مہمان افسران نے خدمت مرکز زرگراندہ کے صحن میں پودے بھی لگائے۔
