راولپنڈی میں سیکتھ روڈ پر حالات کشیدہ ہوگئے ہیں۔پولیس کی مزید نفری طلب کر لی گئی۔
ذرائع کے مطابق طلباء نے پولیس اہلکاروں پر پتھراؤ کیا، جس کے جواب میں پولیس نے کارکنان کو منتشر کرنے کے لیے شیلنگ کی۔
سٹوڈنٹس نے پنجاب کالجز کی دو عمارتوں کے شیشے توڑ دیے، جس سے علاقے میں خوف و ہراس پھیل گیا۔
شیلنگ کی وجہ سے شہریوں کو سانس لینے میں مشکلات کا سامنا کرنا پڑا۔
سیکتھ روڈ سے صدیقی چوک جانے والی سڑک کو مکمل طور پر بند کر دیا گیا ہے۔یاد رہے کہ راولپنڈی سیکتھ روڈ میں پنجاب کالجز کے باہر طلباء نے احتجاج کیا ہے۔
