اسلام آباد انتظامیہ نے پاکستان تحریک انصاف کے احتجاج کی درخواست مسترد کرتے ہوئے پریس کلب کے سامنے خندقیں کھود لیں۔
ترجمان اسلام آباد پولیس کا کہنا ہے کہ اسلام آباد میں ہنگامہ آرائی کی کسی کو اجازت نہیں دی جائے گی۔ تمام جماعتوں کو دفعہ 144کے نافذ العمل ہونے سے آگاہ کر دیا گیا ہے۔ خلاف ورزی پرقانونی کارروائی عمل میں لائی جائے گی۔ترجمان اسلام آباد پولیس نے کہا ہے کہ کسی بھی احتجاج یا ریلی کی اجازت نہیں دے سکتے۔، خواتین اور کم عمر لوگ صبح 10سے ایک بجے تک ایف نائن پارک نہ جائیں، اس کے علاوہ ایف 6 جانے سے بھی گریز کریں۔ترجمان نے مزید بتایا کہ ممکنہ احتجاج کے پیش نظر پولیس کی اضافی نفری طلب کر لی گئی ہے۔ شہری کسی بھی سیاسی اجتماع کا حصہ بننے سے گریز کریں۔ترجمان نے کہا کہ کسی بھی غیر قانونی سرگرمی کی اطلاع 15یا آئی سی ٹی 15ایپ پر دیں۔
