تحریک انصاف کے 27 ستمبر کو شیڈول لانگ مارچ کو 5 اکتوبر تک ملتوی کرنے کی تجویز سامنے آگئی، ذرائع کے مطابق یہ تجویز پی ٹی آئی کی سیاسی کمیٹی کے اجلاس میں پیش کی گئی ۔
پشاور: ذرائع کے مطابق لانگ مارچ ملتوی کرنے کی تجویز پارٹی کی سیاسی کمیٹی کے اجلاس میں پیش کی گئی، جس پر مشاورت جاری ہے ۔
ذرائع کا کہنا ہے کہ اجلاس میں موجودہ سیاسی صورتحال، حکومت کی جانب سے سکیورٹی انتظامات اور احتجاج کے حوالے سے آئندہ کی حکمت عملی پر غور کیا گیا ۔
دوسری جانب بعض رہنماؤں کی جانب سے لانگ مارچ مؤخر کرکے اکتوبر کے پہلے ہفتے میں آئندہ کا لائحہ عمل طے کرنے کی تجویز بھی دی گئی ۔
مزید برآں تاہم، لانگ مارچ ملتوی کرنے کا حتمی فیصلہ تاحال سامنے نہیں آیا، جبکہ پارٹی کے بعض رہنماؤں کی جانب سے احتجاج مقررہ شیڈول کے مطابق کرنے پر بھی زور دیا جا رہا ہے ۔
