لوئر چترال: اسماعیلی برادری کے روحانی پیشوا پرنس شاہ رحیم الحسینی (آغا خان پنجم) گلگت بلتستان اور چترال کا تین روزہ دورہ مکمل کرنے کے بعد لوئر چترال پہنچ گئے۔
پرنس رحیم آغا خان بذریعہ ہیلی کاپٹر گلگت سے چترال پہنچے، جہاں وزیراعلیٰ خیبرپختونخوا سہیل آفریدی اور گورنر فیصل کریم کنڈی نے ان کا پرتپاک استقبال کیا۔
وزیراعلیٰ سہیل آفریدی نے لوئر چترال ایئرپورٹ پر پرنس رحیم آغا خان سے ملاقات بھی کی۔ بعد ازاں میڈیا سے گفتگو کرتے ہوئے وزیراعلیٰ نے کہا کہ ان کا مقصد پرنس آغا خان کی آمد پر خیرمقدم کرنا تھا اور اس دوران حکومتی اقدامات اور ترقیاتی اہداف پر تفصیلی بات چیت ہوئی۔
انہوں نے مزید بتایا کہ پرنس رحیم آغا خان نے صوبے میں سرمایہ کاری کرنے کی یقین دہانی بھی کرائی ہے، جو خطے کی معاشی ترقی کے لیے مثبت پیش رفت ہے۔
