ضلع خیبر کی تحصیل جمرود کے علاقے تختہ بیگ میں گزشتہ شب پولیس اور ایف سی کی مشترکہ چیک پوسٹ پر حملے کے نتیجے میں زخمی ہونے والا پولیس اہلکار شمال خان ہسپتال میں زخموں کی تاب نہ لاتے ہوئے شہید ہوگیا ۔
شہید پولیس اہلکار کی نمازِ جنازہ پولیس لائن خیبر میں سرکاری اعزاز کے ساتھ ادا کی گئی ، جس میں سی سی پی او پشاور میاں سعید سمیت پولیس، انتظامیہ کے افسران ، اہلکاروں اور شہید کے بڑی تعداد میں رشتہ داروں نے شرکت کی ۔
واضح رہے کہ گزشتہ شب تختہ بیگ چیک پوسٹ پر حملے میں ایک پولیس اہلکار اور ایک ایف سی اہلکار زخمی ہوئے تھے ۔ زخمی پولیس اہلکار شمال خان بعد ازاں ہسپتال میں دم توڑ گئے ۔
