اس سال کے دوسرے مہینے کے لیے دنیا بھر کے طاقتور ترین پاسپورٹس کی فہرست میں پاکستان کی درجہ بندی میں بہتری دیکھنے میں آئی ہے۔
ہینلے اینڈ پارٹنرز کی فروری 2026 کے لیے جاری کی گئی فہرست میں ایک ایشیائی ملک کا پاسپورٹ طاقتور ترین قرار پایا ہے۔ اس انڈیکس کے مطابق سنگاپور کا پاسپورٹ دنیا کا طاقتور ترین پاسپورٹ ہے جس کے حامل افراد 192 ممالک میں ویزا کے بغیر سفر کرسکتے ہیں۔
دنیا کے دوسرے طاقتور ترین پاسپورٹ کا اعزاز بھی 2 ایشیائی ممالک کے نام رہا اور وہ ہیں جاپان اور جنوبی کوریا۔
جنوری میں جاری فہرست میں پاکستان کمزور ترین پاسپورٹ رکھنے والا چوتھا ملک قرار دیا گیا تھا۔ مگر فروری کی فہرست میں پاکستانی پاسپورٹ کی درجہ بندی میں ایک درجے بہتری دیکھنے میں آئی۔ مجموعی طور پر پاکستانی پاسپورٹ کے حصے میں 97 واں نمبر آیا اور اس پر 32 ممالک میں ویزا فری داخلہ ممکن ہے۔
