اسلام آباد: نائب وزیرِ اعظم اور وزیرِ خارجہ محمد اسحاق ڈار نے کہا ہے کہ پاکستان اور امریکہ کے تعلقات مثبت سمت میں آگے بڑھ رہے ہیں.
ان کا کہنا تھا کہ دونوں ممالک کے درمیان اسٹریٹجک شراکت داری مزید مضبوط ہو رہی ہے۔
یہ بات اسلام آباد میں امریکی کانگریس کے ارکان اور کاروباری وفد سے خطاب کرتے ہوئے نائب وزیرِ اعظم محمد اسحاق ڈار نے کہی۔
نائب وزیرِ اعظم کا کہنا تھا کہ پاکستان اور امریکہ کے درمیان اعلیٰ سطح کے روابط دوطرفہ تعلقات کی اہم خصوصیت ہیں۔
محمد اسحاق ڈار نے کہا کہ پاکستان علاقائی امن، استحکام اور خوشحالی کے لیے امریکہ کے ساتھ مل کر کام کر رہا ہے۔
پاکستان ہمیشہ مکالمے، سفارت کاری اور تنازعات کے پرامن حل کی پالیسی پر کاربند رہے گا۔
انہوں نے کہا کہ پاکستان میں 80 سے زائد امریکی کمپنیاں کام کر رہی ہیں۔
ٹیکنالوجی، معدنیات، توانائی اور دفاع سمیت مختلف شعبوں میں سرمایہ کاری کے نئے مواقع کا جائزہ لیا جا رہا ہے۔
