کاروباری ہفتے کے دوسرے روز پاکستان اسٹاک ایکسچینج میں شدید مندی دیکھنے میں آئی، جہاں کے ایس ای 100 انڈیکس 3 ہزار 342 پوائنٹس کی کمی کے بعد ایک لاکھ 76 ہزار 521 پوائنٹس کی سطح پر آ گیا۔
دوسری جانب انٹربینک مارکیٹ میں امریکی ڈالر کی قدر میں آج کوئی فرق نہیں آیا اور ایک ڈالر 278 روپے 45 پیسے پر برقرار ہے۔
معاشی ماہرین کے مطابق ایران اور امریکہ کے درمیان حالیہ کشیدگی اور عالمی منڈی میں خام تیل کی قیمتوں سے متعلق غیر یقینی صورتحال کے باعث پاکستان کی اسٹاک اور کرنسی مارکیٹ پر منفی اثرات مرتب ہو رہے ہیں۔
