پاکستان نے پہلے ٹی ٹوینٹی میچ میں سری لنکا کو 6 وکٹوں سے ہرا کر سیریز میں ایک صفر کی برتری سے حاصل کرلی ، قومی ٹیم نے 129 رنز کا ہدف 17ویں اوور میں 4 وکٹوں کے نقصان پر پورا کرکے کامیابی حاصل کی ۔
سری لنکا کے دمبولا انٹرنیشنل کرکٹ سٹیڈیم میں کھیلے گئے پہلے ٹی ٹوینٹی میچ میں پاکستان نے ٹاس جیت کر پہلے فیلڈنگ کا فیصلہ کیا ۔
سری لنکا نے پہلے بیٹنگ کرتے ہوئے پاکستان کو جیت کیلیے129 رنز کا ہدف دیا تھا، جنتھ لیانگے 40 رنز کے ساتھ نمایاں رہے ۔
سری لنکا کی ٹیم آخری اوور میں 128 رنز بناکر آؤٹ ہوگئی، پاکستان کی جانب سے سلمان مرزا اور ابرار احمد نے 3،3 وکٹیں حاصل کیں جبکہ شاداب خان اور محمد وسیم کے حصے میں 2،2 وکٹیں آئیں ۔
پاکستان نے سری لنکا کا 129 رنز کا ہدف صاحبزادہ فرحان کی شاندار بیٹنگ کی بدولت با آسانی 4 وکٹوں کےنقصان پر حاصل کرلیا ۔
پاکستان کی جانب سے صاحبزادہ فرحان 36 گیندوں پر 51 رنز کے ساتھ نمایاں رہے، صائم ایوب 24 رنز بناسکے ۔
سلمان علی آغا 16 اور فخر زمان 5 رنز بناکر آؤٹ ہوئے، شاداب خان 18 اور عثمان خان 7 رنز بناکر ناقابل شکست رہے ، سری لنکا کی جانب سے مہیش تھیکشانا، دشمانتھا چمیرا، ونیندو ہسارنگا اور دھنانجیا ڈی سلو نے ایک ، ایک وکٹ حاصل کی ۔
شاندار آل راونڈ کارکردگی پر شادان خان کو میچ کا بہترین کھلاڑی قرار دیا گیا، دوسرا ٹی ٹوینٹی میچ جمعے کو ڈمبولا میں کھیلا جائے گا ۔
