بیجنگ: پاکستان اور چین کی دوستی سٹریٹجک تعاون، باہمی اعتماد، مشترکہ مفادات اور طویل عرصے پر مشتمل شراکت داری پر قائم ہے۔
معروف چینی جریدے گلوبل ٹائمز کے مطابق گزشتہ 75 سال سےعالمی سطح پربدلتے حالات، سیاسی تبدیلیوں اور معاشی اتارچڑھاؤ کے باوجود یہ دوستی انتہائی مضبوط ہے۔
بین الاقوامی تعلقات مفادات سے جڑے ہیں مگر پاک چین دوستی پائیداراعتماد کی ایک منفرد مثال ہے۔
دونوں ملکوں نے ہمیشہ مشکل وقت میں ایک دوسرے کا ساتھ دیا ہے۔
گلوبل ٹائمز کے مطابق اقوام متحدہ سمیت ہر فورم پر چین نے پاکستان کی خودمختاری، علاقائی سالمیت سے متعلق سفارتی حمایت فراہم کی ہے.
تمام چیلنجز کے باوجود پاکستان نے بھی ہمیشہ عالمی سطح پر چین کا ساتھ دیا اوراسے ایک شراکت دار نہیں بلکہ قابل اعتماد دوست سمجھا ہے۔
گلوبل ٹائمزکے مطابق دونوں ملکوں کے تعلقات صرف معاشی فائدے پر نہیں بلکہ ایک گہری سٹریٹجک اور جذباتی وابستگی پر مبنی ہیں۔
آزاد خارجہ پالیسی اور تعمیری سفارتکاری کے ذریعے پاکستان ان ابتدائی ممالک میں شامل تھا جس نے چین کو تسلیم کیا۔
سکیورٹی چیلنجز کے باوجود پاکستان چینی سرمایہ کاری کی کامیابی اور ملک میں موجود چینی شہریوں کے تحفظ کیلئے مکمل طورپر پرعزم ہے۔
پاک چین سفارتی تعلقات کے 75سال مکمل ہونے پر شراکت داری دونوں ممالک اور ایشیا کے استحکام کیلئے اہمیت کی حامل ہے۔
