پی ایس ایل 9 کا میلہ سجنے میں صرف 4دن باقی ہیں ۔پی ایس ایل کی تمام ٹیمیوں نے پریکٹس سیشن شروع کردیئے ہیں۔
اسلام آباد یونائیٹڈ ،پشاور زلمی ،لاہورکلندر،کراچی کنگز ،کوئٹہ گلیڈی ایٹر سمیت ملتان سلطان کے کھلاڑیوں نے بولنگ،بیٹنگ ،اور فیلڈنگ سیشن شروع کردیئے ہیں۔تمام ٹیمیں جیت کیلئے پرعزم ہیں۔پی ایس ایل نویں ایڈیشن کی ٹرافی کی تقریب رونمائی کل ہوگی
دوسری جانب پاکستان سپر لیگ کے نویں ایڈیشن کے میچز کیلئے ٹکٹوں کی آن لائن فروخت کا آغاز بھی ہو چکا ہے۔پاکستان کرکٹ بورڈ کی جانب سے پی ایس ایل میچز کی ٹکٹوں کی قیمتوں کا اعلان کیاگیاتھا۔ پی ایس ایل 9 کے افتتاحی میچ کی کم سے کم ٹکٹ 1ہزار روپے مقرر کی گئی ہے۔افتتاحی میچ کی فرسٹ کلاس ٹکٹ دو ہزار، پریمیم ٹکٹ تین ہزار جبکہ وی آئی پی ٹکٹ چھ ہزار روپے رکھی گئی ہے۔
سپر لیگ کے فائنل کی کم سے کم ٹکٹ بھی 1ہزار روپے ہوگی۔پی ایس ایل فائنل کی فرسٹ کلاس ٹکٹ کی قیمت پچیس سو روپے، پریمیم چار ہزار روپے اور وی آئی پی ٹکٹ آٹھ ہزار روپے میں فروخت ہوگی۔پی سی بی کے مطابق پی ایس ایل میچز کی ٹکٹس مخصوص ٹی سی ایس سینٹرز سے حاصل کی جاسکیں گی۔یاد رہے کہ پاکستان سپر لیگ کا پہلا میچ سترہ فروری کو لاہور قلندر اور اسلام آباد یونائیٹڈ کے درمیان قذافی سٹیڈیم لاہورمیں کھیلا جائے گا۔پاکستان سپر لیگ کا فائنل میچ نیشنل سٹیڈیم کراچی میں اٹھارہ فروری کو کھیلا جائے گا۔
