نیوزی لینڈ نے کین ولیمسن کی کپتانی میں ٹی ٹوئنٹی ورلڈ کپ 2024 کے لیے اسکواڈ کا اعلان کر دیا۔
اعلامیے کے مطابق ٹی ٹوئنٹی ورلڈ کپ 2024 کے لیے کین ولیمسن نیوزی لینڈ کے کپتان ہوں گے جب کہ فن ایلن، ٹرینٹ بولڈ، مارک چیپ مین، ڈوین کونوے، میٹ ہنری اور ڈیرل مچل ٹیم کا حصہ ہوں گے۔ ریچن رویندرا، گلین فلپس، مچل سینٹنر، ایش سعودی، ٹم ساؤتھی، مائیکل بریسویل اور لوکی فرگوسن بھی نیوزی لینڈ کے ورلڈ کپ اسکواڈ میں شامل ہیں۔
واضح رہے کہ ٹی ٹوئنٹی ورلڈ کپ 2024 کی میزبانی امریکا اور ویسٹ انڈیز مشترکہ طور پر کررہے ہیں، اب آئی سی سی نے میچز کے لیے امریکا میں تین مقامات کا اعلان کردیا ہے۔ انٹرنیشنل کرکٹ کونسل نے اعلان کیا ہے کہ جون میں ہونے والے ٹی ٹوئنٹی ورلڈ کپ کے میچز 3 امریکی ریاستوں نیویارک، فلوریڈا اور ٹیکساس میں ہوں گے۔
