مانسہرہ میں کاغان روڈ کو بوڑاوائی تک گلیشیئرز کاٹ کر کھول دیا گیا ہے، رواں ماہ کے آخر تک بابوسر ٹاپ تک روڈ مکمل کھول دیا جائے گا ۔
مانسہره: انتظامیہ کا کہنا ہے کہ جلکھڈ تا بابوسر ٹاپ روڈ کو "بوڑاوائی” تک ہر قسم کی ٹریفک کے لیے کھول دیا گیا ہے، سیاح اب مانسہرہ کی مشہور وادیوں کا رخ کر سکتے ہیں ۔
کاغان روڈ ہر سال شدید برف باری کی وجہ سے نومبر تا مئی ہر قسم کی ٹریفک کے لئیے بند رہتا ہے ، این ایچ اے کی مشینری روڈ کو کلئیر کرنے میں مصروف ہے بوڑاوائی تک روڈ کلئیر ہونے سے سیاحوں اور مقامی افراد کے لیے سفر میں نمایاں آسانی پیدا ہو گئی ہے ۔
انتظامیہ کے مطابق برف ہٹانے کا کام تیزی سے جاری ہے اور اگر موسمی حالات سازگار رہے تو کل جلکھڈ تک روڈ کو مکمل طور پر بحال کر دیا جائے گا ۔
انتظثامیہ کی جانب سے سفر کرنے والوں کو ہدایت کی گئی ہے کہ احتیاطی تدابیر اختیار کریں کیونکہ بعض مقامات پر سڑک کی صورتحال تاحال حساس ہو سکتی ہے ۔
