اسلام آباد: ایران کے وزیر داخلہ سکندر مومنی نے اپنے دورۂ پاکستان کے دوران پاکستان مونومنٹ کا دورہ کیا۔
وزیر مملکت برائے داخلہ طلال چوہدری نے ایران کے وزیر داخلہ سکندر مومنی کا پاکستان مونومنٹ آمد پر استقبال کیا۔
فیڈرل کانسٹیبلری کے چاق و چوبند دستے نے انہیں سلامی پیش کی۔
ایران کے وزیر داخلہ نے یادگارِ شہداء پر حاضری دی، پھول رکھے، فاتحہ خوانی کی اور شہداء کی عظیم قربانیوں کو خراجِ عقیدت پیش کیا۔
دورے کے دوران ایرانی وزیر داخلہ کو پاکستان مونومنٹ کے بارے میں بریفنگ دی گئی۔
انہوں نے یادگارِ شہداء اور پاکستان مونومنٹ کی تاریخی اہمیت کو سراہا۔
ایران کے وزیر داخلہ اسکندر مومنی نے شکر پڑیاں سے اسلام آباد شہر اور مارگلہ کے پہاڑی سلسلے کا بھی نظارہ کیا۔
اس موقع پر آئی جی فیڈرل کانسٹیبلری ریاض نذیر گاڑا، ڈی آئی جی اسلام آباد اور دیگر افسران بھی موجود تھے۔
