ایران کے مرکزی بینک کے گورنر عبدالنصر ہمتی نے واضح کیا ہے کہ ایران کسی بھی معاہدے کے تحت امریکہ سے زرعی مصنوعات خریدنے کا پابند نہیں ہے۔
انہوں نے کہا کہ موجودہ معاہدے میں ایسی کوئی شق شامل نہیں جس کے تحت ایران کو امریکی زرعی اجناس درآمد کرنا لازم ہو۔ تاہم اگر امریکی مصنوعات مناسب قیمت اور مطلوبہ معیار کی حامل ہوں تو ان کی خریداری پر غور کیا جا سکتا ہے۔
عبدالنصر ہمتی کے مطابق ایران ماضی سے ہی بعض یورپی ممالک اور امریکہ سے مختلف زرعی مصنوعات درآمد کرتا رہا ہے اور مستقبل میں بھی تجارتی فیصلے معاشی مفادات اور معیار کو مدنظر رکھتے ہوئے کیے جائیں گے۔
یاد رہے کہ امریکی صدر ڈونلڈ ٹرمپ نے اس سے قبل کہا تھا کہ ایران کے منجمد مالی اثاثے بحال کیے جا سکتے ہیں، تاہم ان فنڈز کا استعمال امریکہ سے اشیا کی خریداری کے لیے کیا جائے گا۔
